الصحوبيه يا جماعه امسكوا فيها بأيديكوا وسنانكم ؟؟؟؟؟؟؟؟؟؟؟

انا مش عايز حد يقول اني معقد .عشان بكتب عن الصحوبية و خيانة الصحاب والجو ده ... بس عايز أقول ان لسه في الدنيا دي اصحاب بجد اصحاب علي المثل اللي بيقول ( الصديق الصالح اللي بدون مصالح ) عشان ما تتخنقوش من المقدمة هدخل في الموضوع علي طول ....

فاكرين في فيلم قديم اسمة العظماء السبعة انا يا جماعة قابلت 3 هما فعلا من العظماء دول

والأربعة الباقيين لسة تحت قيد البحث





الأول .....
فريد لو اقدر أقول انه بالنسبة ليا أكتر من أخ و عارفيين انتوا الجو ده ومقدرش استغني عنة بس دة بجد مش كلام بلوجرزات
ده حقيقي الشاب دة بالنسبة ليا كل شى بنروح الجامعة مع بعض بننزل شغل مع بعض كل حاجة مع بعض مع بعض ( ملحوظة انا قصدي بكل حاجة مع بعض مع بعض اننا ما بنفترقش ابدا وشنا في وش بعض طول الوقت وبلاش الضماير السيئة تفسر كلامي غلط ) نادر لما تلاقي صاحب ممكن يضحي بأي حاجة عشلان يشوف صاحبة مبسوط لو لقيتوا حد بالشكل دة بلغوا عنه قصدي امسكوا فية بأديكوا وسنانكوا

الثاني .....
سيادة اللواء أركان حرب خالد على فكرة انا بقولة قائمة الالقاب دي كل مابشوفة
. عارف لما تدخل مكان غريب مش عارف فيه حد وتلاقى واحد ظهر وبيسلم عليك بحرارة قوي كأنة يعرفك من زمان هو دة بالظبط اللي انا حسيته لما شوفت الاستاذ خالد فهو توأمي الروحي ....
الراجل دة فية مميزات كتير اقولكوا منها حبة . من اجدع الناس اللى ممكن تقابلهم في حياتك
من اكتر الناس تواضع مع انه بيشتغل فى اكتر من مكان اللهم لا حسد انا مش بقر انا بحسد بس . بجد انا بحب الرا جل دة جدا ومن اكتر الناس اللي ممكن يقف جنبك ويساعدك عشان تحقق حلمك ( خالد ) اللي بيشرب سيجارة ورافع حاجب وبيبص بثقة .. مدير بقي حد يقدر يكلمه


الثالث .....
سيادة رئيس تحرير جريدة الدليل الأستاذ أطياف ( هو مسمي نفسه كده ) الراجل دة واصل واصل واصل يا جماعة بس علي كل دة انسان لابعد الحدود اول ما قبلته وهو بيتعامل معايا كاني اخوة الصغير الراجل ده منظم جدا انا افتكرتة بيحسب كل حاجة بالورقة والقلم لقيت دة طبعة اساسا كدة .. ربنا يكرمنا ونبقي زيه

النهاية ....
الصحوبية دي مفيش اجمل منها ولو لقيتوا يا جماعة صاحب بجد امسكوا فيه بأيدكوا وسنانكوا وعيش وسيبني اعيش

الجاااااااااااااااااااانب المظلم

بما ان الصحوبيه مش مصالح

فهي حاجه كمان

الصحوبيه مش وقت الزنقات بس .. مش لما تزنق تطلب صاحبك ..

صاحبك في اي وقت ..

الصحوبيه مش لما تفضي .. لاااااااااااااااااااااااا

الصحوبيه هي اصلا انشغالك .. وبس مش هااطول في الكلام

عارف يا حوده انا عندي نفس المشكله تقريبا انا كل اصحابي مش بعرف الاقيهم ساعة ما اكون محتجالهم بس علي فكره بقي يا جماعة كلمه حق عشان تبقوا عارفين بس محمود الوحيد اللي في اصحابي ساعة ما اكون محتاجاه عمره ما اتاخر عليا في اي حاجة عشان مبقاش كدابة بس مرة واحدة قالي انا مش فاضي وكان عنده حاله وفاه ساعتها يعني غصب عنه مش بمزاجه

انا لسه قارى الموضوع الجميل داااا ياستاذ محمود ؟؟

بس للاسف انا مش شايف حضرتك يعنى مطبقا حاجة من اللى انتا قايلها ياترى انتا بقيت زى الحكومة تتكلم تتكلم وفعل مافيش انا طبعا مش بتخانق دا نقد وانا بحب قاقول لحضرتك انتا نسيت واحد تكتبه فى الموضوع ياترى انتا حتوا تحت بند المصالح انا الصراحة بد عشان انا مستحملش المواقف المحرجة ومحبش حد يحرجنى وكفاية اللى حصل لى ......
راجع نفسك يامحمود وقلب حساباتك انتا خسرت واحد للابد والتانى فقط الثقة
وبلاش حجج تحاول اقناع نفسك والاخرين فيها اية كلمة مش فاضى دى

حاول يامحمود تحط عنوان الموضوع فى دماغك وفكر فيه عشان متخسرش الباقى

ومعلش للاطالة ياستاذ محمود ولازم نقول استاذ لان محمود خلاص ......

واكرر.......... دا رد للموضوع او نقد ومش اية حاجة تانية

منور المنتدي من زمان ما دخلتش ..!!

انا الحمد لله ما خسرتش أي حاجه .. فيه ناس غيري كتير خسرت .. مش أنا ..!!

طب الحمد لله انك مخسرتش .........؟؟
والحمد لله انه مترقش معاك اية حاجة....؟؟
واتمنالك التوفيق